Hoxe tivo lugar o acto de presentación das Festas da Patroa de Ribeira na que se personaron, o tenente de Alcalde, Vicente Mariño, o párroco de Ribeira, Alfonso Mera, o segundo tenente de Alcalde, Francisco Suárez-Puerta, a concelleira de Cultura, Antía Alberte, o concelleiro de Mar, Francisco Abraldes e a Presidenta de Hostaleiros de Ribeira, Paula Chouza.
As festas patronais de Santa Uxía vanse a celebrar o vindeiro xoves día 12 setembro (Día de Santa Uxía), o venres 13, o sábado 14 e o domingo 15. Cun cartel moi variado de actividades culturais e musicais na que sobresae o espectáculo musical da Orquestra Mondragón co polifacético Javier Gurruchaga que se vai celebrar o día 14 ás 23:00 h na praza da Porta do Sol.
Suárez-Puerta degrañou toda a programación das festas e comentou que “é un cartel para tódolos gustos e idades” a continuación comentou “queremos potenciar e poñer en valor esta festa. Tamén informou que as bombas de palenque do día 12 botaranse ás 9, 12 e ás 13 horas.
Alfonso Mera recordou que o día 12 ás 12:00 h celébrase a misa pola Patroa na que virá a cantar “A Coral Cee” entre outros invitados para a ocasión; despois da procesión haberá un ágape multicultural.
Paula Chouza presentou a “Festa Oitententeira” que vai a ter lugar o segundo sábado de setembro, “xa se fixo o ano pasado, este ano ampliamos o número de locais participantes e vaise a celebrar ao logo do día; implicarase ao comercio local e ao resto da hostalería para participar decorando e tamén á veciñanza disfrazándose da década en cuestión para participar nunha ruta que se programará nestes días” finalizou Paula.
A concelleira de Cultura anunciou unha nova edición da “Ruada do Traxe” o sábado 14 ás 19:00 h na que o concello colabora ca Asociación “Aires de Dorna” nesta IV edición. Por outra banda anunciou unha nova inauguración dunha nova exposición no Lustres
Rivas o vindeiro venres 13 e se chamará “Camiño da Arte” na que se fai unha exposición de diferentes artistas nos locais e escaparates do comercio local, “fomentando o nexo, comercio, artistas e cultura” sinalou Antía.
Programa das Festas de Santa Uxía:
XOVES 12 DE SETEMBRO. DÍA DE SANTA UXÍA
• 09:00 h 12 bombas de palenque anunciarán a celebración relixiosa do día de Santa Uxía.
• 10:00 h Ruada a cargo do grupo de gaitas XIADA.
• 12:00 h 12 bombas de palenque anunciarán o comezo da Misa solemne. • 12.00 h MISA SOLEMNE NA HONRA DA NOSA PATROA SANTA UXÍA, cantada pola Coral de CEE, na igrexa parroquial.
• 13:00 h 12 bombas de palenque anunciarán a procesión.
• 13.03 h Procesión acompañada do grupo de gaitas XIADA e da Banda de Música de Noia que rematará cun pequeno concerto no adro da igrexa.
VENRES 13 DE SETEMBRO
• 17:00 h Inchables infantís, na praza de España, ata as 20:00 h.
• 21:00 h Inauguración da mostra colectiva de artistas locais “Camiño da Arte”, no Centro Cultural Lustres Rivas, entregarase un catálogo de balde a cada asistente. • 23:00 h Verbena coa ORQUESTRA TREBOL na praza de Pontevedra en Bandourrío (pase único ata a 01:30 h).
SÁBADO 14 DE SETEMBRO
• 12:00 h Animación musical de rúas e prazas ao ritmo de charanga. • 13:00 h FESTA OCHENTERA nos locais hostaleiros participantes, con premios e moita diversión. Organiza a Hostalaría de Ribeira.
• 13:00 h Acto de entrega de galardóns e inauguración da exposición XV PREMIO ATLANTE DE GRAVADO, no Museo do Gravado de Artes.
• 16:00 h Animación musical a cargo do grupo tradicional O RUEIRO de Palmeira. • 19:00 h IV RUADA DO TRAXE GALEGO AIRES DE DORNA. Saída do auditorio municipal con percorrido por rúa Romero Ortiz, Galicia, Rosalía de Castro, Malecón, Galicia, Rosalía de Castro, Alcalde Fernández Bermúdez, Avda. da Constitución e DESFILE no novo auditorio municipal ás 20:00 h.
• 19:30 h Última ruta CAMIÑO DOS MITOS E LENDAS con Tonhito de Poi, no parque de San Roque, prazas limitadas, + 6 anos, de balde, info e reservas en 981 873007. • 23:00 h Espectacular actuación musical a cargo da ORQUESTRA MONDRAGÓN con Javier Gurruchaga, na Praza de Porta do Sol.
DOMINGO 15 DE SETEMBRO
• 13:30 h Sesión DJ. CARLOS CRESPO E KRIS KDJ coa Duendeneta, na praza de Porta do Sol. Rede de Dinamización Lingüística.
